“ТУРШЛАГА СОЛИЛЦОХ-ХАРИЛЦАН СУРАЛЦАХ АЯН”

Хөдөлмөр, халамжийн үйлчилгээний ерөнхий газраас өгсөн үүрэг чиглэлийн дагуу нийслэлийн 9 дүүргийн Хөдөлмөр, халамжийн үйлчилгээний хэлтсүүдийн үйл ажиллагаатай танилцах, сайн туршлагыг хуваалцах, салбар хоорондын үйл ажиллагааг сайжруулах, тулгарч буй хүндрэл бэрхшээлийг шийдвэрлэх, эрсдэлийг даван туулах арга замыг тодорхойлох, харилцан туршлага солилцох, суралцах, зөвлөгөө мэдээлэл өгөх зорилгоор “ТУРШЛАГА СОЛИЛЦОХ-ХАРИЛЦАН СУРАЛЦАХ” аяныг Нийслэлийн Нийгмийн халамжийн газар, Нийслэлийн Хөдөлмөр эрхлэлтийн газраас хамтран зохион байгуулж байна.

Уг аяны хүрээнд 2020 оны 10 дугаар сарын 29-ний өдөр Сонгинохайрхан дүүргийн Хөдөлмөр, халамжийн үйлчилгээний хэлтсээс хэрэгжүүлж  буй  “Хөгжлийн бэрхшээлтэй иргэний ажлын байрыг дэмжих хөтөлбөр”-ийн хэрэгжилт, үр дүн, “Зорилтот бүлгийн хүн ам, өрхөд чиглэсэн нийгмийн халамжийн ажил үйлчилгээ, төсөл хөтөлбөрийн хэрэгжилт, түүний үр дүнгийн дэлгэрэнгүй танилцуулга, Сонгинохайрхан дүүрэг, хэлтсийн үйл ажиллагааны ерөнхий мэдээлэл, дотоод зохион байгуулалтын онцлог, давуу талуудаасаа ХХҮЕГ, ННХГ, НХЭГ болон дүүргүүдийн Хөдөлмөр, халамжийн үйлчилгээний хэлтсийн төлөөлөлд танилцууллаа.

Аяны үйл ажиллагаанд ХХҮЕГ-ын дарга Л.Дашдэмбэрэл, ННХГ-ын дарга Т.Оюунчимэг, НХЭГ-ын дарга С.Нямдорж, Хан-Уул, Чингэлтэй, Багануур, Багахангай, Налайх, Баянгол, Сүхбаатар дүүргийн Хөдөлмөр, халамжийн үйлчилгээний хэлтсийн удирдлагууд, холбогдох албаны бусад хүмүүс оролцлоо.

Арга хэмжээний үеэр бусад дүүргийн хэлтсүүдийн тухайлсан ажил үйлчилгээний хэрэгжилт, онцлог, давуу тал болон хүндрэл бэрхшээлтэй байдлын талаар нээлттэй ярилцаж, товч хэлэлцүүлэг өрнүүлсэн бөгөөд гарсан санал, хүсэлтийг нэгтгэн удирдах байгууллагууддаа хүргүүлэх юм.

Биднийг зорин хүрэлцэн ирж, туршлага солилцож, харилцан суралцах үйлд хамтран ажиллаж, үнэтэй санал, зөвлөгөө өгсөн нийт оролцогчдодоо талархал илэрхийлье.